नेभिगेशन
न्यू साउथ वेल्स

अस्ट्रेलियामा छठ पर्व भब्य रुपमा मनाईयो

              अस्ट्रेलियाको सिड्नीमा नेपाली समुदायले सूर्यदेव र छठी माताको श्रद्धापूर्वकआराधना गर्दै छठ पर्व रूपमा मनाएका छन्। एसोसिएसन अफ नेपाल तराई इन अस्ट्रेलिया (एन्टा) को आयोजनामा आइतबारसाँझदेखि सोमबार बिहानसम्म चिपिङ नोर्टनस्थित सिड्नी छठ घाटमा दुईदिने छठ महोत्सव आयोजना गरिएको हो।

एनआरएन आईसीसीका सह कोषाध्यक्ष अरुणकुमार ठाकुरले यस वर्षको छठ कार्यक्रम अत्यन्त हर्षोउल्लासका साथ अस्ट्रेलियाका भिन्न सहरहरुमा मनाईएको बताए । उनका अनुसार पूजामा सहभागी हुन दुई हजारभन्दा बढी श्रद्धालु भेला भएका थिए।

कार्यक्रममा स्थानीय नगरप्रमुख, स्थानीय अगुवा तथा नेपाली समुदायका विभिन्न सङ्घसंस्थाका प्रतिनिधिहरूको उपस्थिति थियो।सबैको सहभागिताले नेपाली समुदायको धार्मिक, सांस्कृतिक र सामाजिक एकतालाई थप बलियो बनाएको संस्थाका अध्यक्ष सुजीत सींहले बताए । नेपालको तराई–मधेस क्षेत्रमा विशेष महत्त्वका साथ मनाइने छठ पर्व पछिल्लो समय अस्ट्रेलियाका विभिन्न सहरमारहेका नेपाली समुदायले पनि मनाउँदै आएका छन् । सामूहिक रूपमा आयोजना हुने यस्ता कार्यक्रमले विदेशमा रहेका नेपालीलाईआफ्नो भाषा, संस्कृति र धार्मिक परम्परासँग जोड्ने माध्यम बनेको एन्टाका पुर्व अध्यक्ष रन्जीत साहले बताए । 

महोत्सवको पहिलो दिन आइतबार साँझ अस्ताउँदो सूर्यलाई अर्घ्य दिँदै विशेष पूजा आराधना गरिएको थियो भने सोमबार बिहानउदाउँदो सूर्यलाई अर्घ्य दिएपछि छठको मुख्य धार्मिक अनुष्ठान सम्पन्न भएको थियो । श्रद्धालुहरू परम्परागत विधिअनुसारका पूजासामग्रीसहित घाटमा उपस्थित भएका थिए।

प्रकाशित मिति:
प्रतिक्रिया दिनुहोस्