नेपाल क्यानडा मैत्री सांस्कृतिक संघमा मास्के

नेपाल–क्यानडा मैत्री सांस्कृतिक संघको अध्यक्षमा चर्चीत खेलकुदप्रेमी तथा समाजसेवी निरोज मास्के  चुनिएकी छिन ।  मास्केको नेतृत्वमा आएलगत्तै संघले नेपाल र क्यानडाबीचको सम्वन्ध बीस्तार र आयामबारे चर्चा गर्दै  पर्वतारोहण पर्यटनविषयक अन्तरक्रिया कार्यक्रम सम्पन्न गरेको छ ।

दुई देशबीच कूटनीतिक सम्बन्ध स्थापनाको ६१औं वर्षको स्मरण गर्दै नेपाल र क्यानडाबीचको सम्बन्ध अझ प्रगाढ बनाउनसरकारी र निजीस्तरमा गरिनुपर्ने प्रयासका बारेमा सहभागी वक्ताले चर्चा गरे । नेपाल र क्यानडाबीच सन् १९६५ मा औपचारिकरूपमा कूटनीतिक सम्बन्ध स्थापना भएको थियो ।

नेपाल–क्यानडा मैत्री सांस्कृतिक संघको आयोजनामा राजधानीमा भएको कार्यक्रममा सगरमाथा आरोही लाक्पा दोर्जीशेर्पालाई सम्मान गरिएको थियो । शेर्पालाई कार्यक्रममा आयोजक संघका अध्यक्ष निरोज मास्के, नेपाल प्रज्ञा–प्रतिष्ठानकापूर्व कुलपति गंगाप्रसाद उप्रेती, संघका संरक्षक, परराष्ट्रविद एवं क्यानडाका लागि नेपालका पूर्वराजदूत हिरण्यलाल श्रेष्ठ, पूर्वराजदूत कालीप्रसाद पोखरेललगायतले सम्मान प्रदान गरे ।

कार्यक्रममा नेपाल–क्यानडाबीचको सम्बन्धका बारेमा नेपाल–क्यानडा मैत्री सांस्कृतिक संघका सल्लाहकार आङछिरिङशेर्पाले कार्यपत्र प्रस्तुत गरे । उनले दुई देशबीचको सम्बन्ध र पर्यटन पर्वतारोहणसम्बन्धी विषयमा कार्यपत्र प्रस्तुत गरेका थिए ।मास्के यस अघी नेपाली भलिबलको बिकासमा अगुवा खेलप्रेमीका रुपमा चीनीएकी थीईन ।