एक्सपर्ट कप फुटबलमा १६ टीम

तामाङ रिक्रेएसनल क्लब(टीआरसीसी)को आयोजना तथा एक्सपर्ट एजुकेशनको प्रायोजनमा सीडनीमा आइतबार आयोजना हुन गइरहेको एक्सपर्ट कप फुटबल प्रतियोगितामा सीडनीको १६ टोलीले प्रतिस्पर्धा गर्ने भएका छन । 
टीआरसीसीले प्रतियोगिता बारे जानकारी दिन आयोजना गरिएको पत्रकार सम्मेलनमा बोल्दै क्लबका अध्यक्ष ज्ञानक वाइबाले एक दिने 
प्रतियेगितामा १६ टिम सहभागिता रहने र लिग कम क्वार्टरफाइनलका आधारमा खेलाइने जानकारी दिए । 
प्रतियोगिताको पहिलो हुने टिमलाई ट्रफी र चार हजार डलर तथा दोस्रो हुने टोलीले १५ सय डलर तथा रनर अप ट्रफी हात पार्ने छन भने ब्यक्तीगत पुरस्कारहरुमा सर्बोकृष्ट खेलाडी, उत्कृष्ट गोलरक्षक र उच्च गोलकर्तालाई नगद प्रदान गरिने अध्यक्ष ज्ञानकले बताए । 
प्रतियोगिताको समुह एमा नेप्लीज सीडनी वारिर्यस,आयोजक टीआरसीसी,लालीगुराँस क्लब र ग्रेस नेप्लीज फुटबल क्लब रहेका छन भने समुह बीमा हंस्बी नर्थ एफसी,क्लब नेपाल, फेवा एफसी र होम्बुस राइनोज रहेका छन । सहभागि टोलीहरुमा समुह सीमा दी राइजीङ गोर्खाज, सेन्ट जोर्ज नेप्लीज एफसी,पारा पार्क र विनर सर्कल एफसी रहेका छन भने अन्तिम समुह डीमा हिमालयन युथ,कालभैरव एफसी, माछापुच्छ्रे र वेस्ट युनाइटेड क्लब रहेका छन । 
प्रतियोगितामा यस पटक दर्शकलाइ समेत मनोरन्जन दिने उदेस्यले नगद पुरस्कार सहितको पोष्ट एट्याक कार्यक्रम समेत सामेल गरिएको क्लबका सचिब बैकुन्ठ डंगोलले बताए । उनले सानो पोष्ट राखेर महिला दर्शक र पचास नाघेका पुरुष दर्शकदिर्घालाई गोल प्रहार गर्न दिने र गोलगर्नेलाई नगद पुरस्कारको व्यबस्था गरिने बताए । यो क्लबको १२ औ संस्करण समेत भएकोले प्रवासमा सबैले मनोरन्जन गर्न सकुन भनेर दर्शक, प्रशंसक पुरस्कार राखिएको डंगोलको कथन थियो । क्लबका प्रतिनिधिहरु बिच प्रायोजक एक्सपर्ट पारामाटाका व्यबस्थापक प्रबिण शर्मा , प्रतिनिधि सुर्योतम दाहाल लगायतले गोला प्रथाद्धारा समुह बिभाजन गरेका थिए । 
प्रतियोगिता नरफोर्ड पार्क चेस्टरहिलमा आइतबार बिहानैदेखि प्रारम्भ हुने छ ।