प्रधानमन्त्री सुशिला कार्की र अष्ट्रेलियाली राजदुत लिअन जोनस्टन बीच भेटवार्ता 

काठमाण्डौ ।  नेपालका लागि अष्ट्रेलियाली राजदुत लिअन जोनस्टनले नेपालका प्रधानमन्त्री सुशिला कार्कीसंग सिहदरबार स्थित प्रधानमन्त्री कार्यालयमा भेट गरेकी छिन् ।

यहि अक्टोबर १५ तारिख बुधवार भएको सो भेटघाटमा दुई देश बिचको ब्यापार तथा आर्थिक सहयोग र बिकास सहकार्यका बिबिध बिषयमा छलफल भएको थियो । छलफलमा नेपालका लागि अष्ट्रेलियाली राजदुत लिअन जोनस्टनले समावेशी, जवाफदेही र उत्तरदायी शासन र मानव विकासको सशक्तिकरणको लागि अष्ट्रेलियाको साथ र सहयोग रहने प्रतिबद्धता ब्यक्त गरिन् ।

सो अवसरमा नेपाल  र अष्ट्रेलिया बीचको बलियो कुटनैतिक र जनस्तरीय सम्बन्धको बारेमा समेत छलफल भएको जनाईएको छ । 

तस्वीर - काठमाण्डौ स्थित अष्ट्रेलियाली राजदुतावासको फेसबुकबाट साभार ।