तमु समाज सिड्नीको अध्यक्षमा समिता गुरुङ चयन

सिड्नी । तमु समाज सिड्नीको वार्षिक साधारणसभा (एजीएम) शनिबार सम्पन्न भएसँगै आगामी २०२६–२०२८ कार्यकालका लागि नयाँ कार्यसमिति चयन भएको छ। साधारणसभाले समिता गुरुङको अध्यक्षतामा नयाँ नेतृत्व चयन गर्दै संस्थाको आगामी दुई वर्षको जिम्मेवारी हस्तान्तरण गरेको हो।

नवनिर्वाचित कार्यसमितिको उपाध्यक्षमा ज्ञानेन्द्र गुरुङ र जीवन गुरुङ, महासचिवमा उषा गुरुङ, सचिवमा बरु गुरुङ तथा कोषाध्यक्षमा निराजन गुरुङ चयन भएका छन्। त्यसैगरी सह-कोषाध्यक्षमा रोशन घले, कल्याण संयोजकमा पुष्पा गुरुङ, महिला संयोजकमा ज्योति गुरुङ, सह-महिला संयोजकमा सुनिता गुरुङ, सांस्कृतिक सचिवमा गणेश गुरुङ, सह-सांस्कृतिक सचिवमा प्रीति गुरुङ, खेलकुद सचिवमा किरण गुरुङ, सह-खेलकुद सचिवमा अर्जुन घले तथा सूचना–प्रविधि (आईटी) सचिवमा बिक्रम गुरुङ चयन भएका छन्।

यसैगरी कार्यसमिति सदस्यमा सुरज गुरुङ, लक्ष्मी गुरुङ, सञ्जित गुरुङ, लिल गुरुङ र इन्दिरा गुरुङ चयन भएका छन्। सदस्यता सचिव, सार्वजनिक सम्बन्ध अधिकृत, विद्यार्थी संयोजक, सह-आईटी सचिव तथा सह-कल्याण संयोजक पद भने हाल रिक्त रहेका छन्।

नवनिर्वाचित कार्यसमितिलाई बधाई ज्ञापन गर्दै तमु समाज सिड्नीले नयाँ नेतृत्वको अनुभव, प्रतिबद्धता र दूरदृष्टिले संस्थालाई अझ सशक्त, व्यवस्थित र गतिशील बनाउने विश्वास व्यक्त गरेको छ। समाजले भाषा, कला, संस्कृति र मौलिक परम्पराको संरक्षणसँगै समुदायबीचको आपसी सद्भाव, सहकार्य र एकतालाई थप सुदृढ बनाउन नयाँ कार्यसमितिले प्रभावकारी भूमिका निर्वाह गर्ने अपेक्षा गरेको छ।

यस अवसरमा समाजले हेउपति गुरुङको निवर्तमान कार्यसमितिप्रति पनि हार्दिक आभार प्रकट गरेको छ। आफ्नो कार्यकालभर संस्थाको विकास, समुदायको हित तथा सामाजिक एवं सांस्कृतिक गतिविधिको प्रवर्द्धनमा पुर्‍याएको समर्पित नेतृत्व, अथक परिश्रम र उल्लेखनीय योगदानप्रति समाजले उच्च सम्मान व्यक्त गरेको छ।

तमु समाज सिड्नीले नयाँ कार्यसमितिको नेतृत्वमा आगामी दिनमा संस्थागत सुशासनलाई थप मजबुत बनाउँदै समुदायको साझा हित, सांस्कृतिक पहिचानको संरक्षण तथा भावी पुस्तासम्म भाषा, संस्कृति र परम्पराको हस्तान्तरणमा थप प्रभावकारी ढंगले अघि बढ्ने विश्वास लिएको जनाएको छ।