समुदायप्रतिको सेवाभाव जारी रहनेछ: दिनेश खड्का, निवर्तमान वाणिज्यदुत 

न्युजिल्याण्डका लागि नेपालका अवैतनिक वाणिज्यदूत दिनेश खड्काले आफ्नो पदबाट हटे पनि नेपाली समुदाय र नेपाल–न्युजिल्याण्ड सम्बन्धका लागि आफ्नो योगदान निरन्तर रहने बताएका छन । नेपाल सरकारको मन्त्रिपरिषद्लेन्युजिल्याण्डसहित विश्वका विभिन्न देशमा रहेका अवैतनिक वाणिज्यदूतहरूलाई हटाउने निर्णय गरेपछि उनले यस्तोप्रतिक्रिया दिएका हुन । 

विगत चार वर्षदेखि न्युजिल्याण्डमा रहेका नेपालीहरूको हित र दुई देशबीचको सम्बन्ध सुदृढीकरणका लागि काम गर्ने अवसरदिएकोमा खड्काले नेपाल सरकारप्रति आभार प्रकट समेत गरेका छन । उनले यो अवधिलाई आफ्नो मातृभूमिको सेवा गर्नेएउटा अमूल्य र सम्मानजनक अवसरका रूपमा व्याख्या गरेका छन ।

न्युजिल्याण्डमा रहेका नेपाली समुदाय, विभिन्न सामाजिक संस्थाहरू र स्वयंसेवकहरूले देखाएको विश्वास र सहकार्यप्रतिउनले हार्दिक धन्यवाद यमेत दीएका छन । 

•कूटनीतिक सहकर्मी, दुवै देशका सरकारी निकाय र राजनीतिक नेतृत्वले आफ्नो कामप्रति देखाएको भरोसा र प्रोत्साहनलेकार्यकाल सफल भएको उनले  उल्लेख गरेका छन । 

•विशेषगरी, व्यक्तिगत र पारिवारिक समयलाई थाती राखेर आफूलाई सार्वजनिक सेवामा समर्पित हुन साथ दिने आफ्नोपरिवारप्रति उहाँले विशेष कृतज्ञता व्यक्त गरे । 

निरन्तर सक्रियताको प्रतिबद्धता जनाउदै खड्काले वाणिज्यदूतका रूपमा आफ्नो औपचारिक अध्याय अन्त्य भए पनि नेपालीसमुदायका लागि सम्भव भएसम्मका सबै मार्गबाट सहयोग जारी राख्ने संकल्प गर्दै  खड्का भन्छन , नेपाल–न्युजिल्याण्डमित्रतालाई अझ प्रगाढ बनाउने र हाम्रो समुदायलाई साथ दिने मेरो प्रतिबद्धता सधैँ कायमै रहनेछ"।

नेपाल सरकारले हालै गरेको कूटनीतिक पुनर्संरचना र सुधारको प्रयासअन्तर्गत विभिन्न देशका १५ अवैतनिकवाणिज्यदूतहरूलाई पदमुक्त गर्ने निर्णय गरेपछि खड्काले आफ्नो धारणा सार्वजनिक गरेता हुन ।