दुई महिना भित्र जन सम्पर्क समिती अस्ट्रेलियाको निर्वाचन हुने 

नेपाली राजनितीका प्रवासी संघहरुलाई चुस्त र तन्दुरुस्त बनाउने कसरतमा नेपालको प्रमुख प्रतिपक्ष दल नेपाली कांग्रेश लागेको छ । 
लामो समयदेखि बिवादको भुमरीमा रुमल्लीएको बिदेशमा रहेको भातृ संगठन जन सम्पर्क समितीलाई पुर्नताजगीको लागि अभियान सुरु गर्दै अस्ट्रेलियामा दुइ महिनाभित्र निर्वाचन सम्पन्न गराउन निर्देशन समेत दिएको छ । 
जस अनुरुपमा ब्रिजबेन निवासी इन्जिनियर अभिमन्यु केसीलाई अधिकार सम्पन्न निर्वाचन समितीको संयोजकको जिम्मेबारी सुम्पेको छ । 
पुरानै जन सम्पर्क समितीका अध्यक्ष शुरेस गुरुङको अध्यक्षतामा उदघाटन सत्र सम्पन्न गर्ने दश बुदे टिओआर सहित केसीलाई निर्वाचन गराउन जिम्मेबारी सुम्पीएको हो । 
नेपाली कांग्रेशका अध्यक्ष गगन कुमार थापाद्धारा हस्ताक्षरीत पत्रमा दुइ महिना भित्र खुला रुपमा सदस्यता बितरण आपसी संवाद र समन्वय कायम गरी निर्वाचन गराउन निर्देशन समेत दिइएको छ । चार बर्षे अवधिको लागि हुने निर्वाचन निष्पक्ष र सबैको सहभागितामा गर्ने र आवश्यक सदस्यहरुको मनोनयन समेत गर्ने अधिकार सहित केसीलाई जिम्मेबारी सुम्पेको पार्टीले जनाएको छ । यसै सन्दर्भमा नेपाली काग्रेशका केन्द्रिय सदस्य दिनेश कोइरालाले समेत सीडनी, मेलवर्न, एडिलेड लगायतका शहरहरुमा जनसम्पर्क समितीका पदाधिकारीहरुसँंग छलफल तथा भेला राखेका थिए ।