नेपाली एकता मञ्च अष्ट्रेलियााको सांसद पाण्डेसँग अन्तर्क्रिया कार्यक्रम

कोम खत्री

सिड्नी । नेपाली समाजको समस्यामाथि छलफल गर्न र प्रवासी नेपालीहरूको भूमिकाबारे विचार आदानप्रदान गर्न बागमती प्रदेशका पूर्व मुख्यमन्त्री तथा नेकपा (एकीकृत समाजवादी) का वरिष्ठ उपाध्यक्ष माननीय राजेन्द्रप्रसाद पाण्डेको उपस्थितिमा विशेष अन्तर्क्रिया कार्यक्रमको आयोजना गरिने भएको छ।

यस कार्यक्रमको आयोजना प्रवासी नेपाली एकता मञ्च, अष्ट्रेलियाले गरेको हो। कार्यक्रम आगामी १८ जनवरीमा ग्रानभिल, एनएसडब्लु (रातो घर फंक्शन सेन्टर) मा हुने जानकारी प्राप्त भएको छ।

कार्यक्रममा नेपालको समसामयिक राजनीति, गैरआवासीय नेपालीका विविध सरोकार, नेपालको विकास र समृद्धि लगायत विविध विषयमा छलफल गरिनेछ। यसले प्रवासी नेपाली समुदायलाई एकजुट बनाउँदै मातृभूमिप्रतिको योगदानका विषयमा प्रभावकारी संवादका अवसर प्रदान गर्ने विश्वास लिइएको छ।

आयोजक संस्थाका अध्यक्ष अच्युत शर्मा थापालियाका अनुसार, यस कार्यक्रमले अष्ट्रेलियामा रहेका नेपालीहरूको भावनालाई जोड्दै नेपालमा सकारात्मक परिवर्तनका लागि प्रवासी भूमिकालाई सशक्त बनाउने लक्ष्य राखेको छ।

उक्त कार्यक्रममा सम्पूर्ण नेपाली समुदायलाई सहभागिताका लागि हार्दिक निमन्त्रणा गरिएको छ।