जनकपुर बोल्ट्स बन्यो पहिलो नेपाल प्रिमियर लिग (एनपीएल) च्याम्पियन,

काठमाडौँ —सिद्धार्थ बैंक नेपाल प्रिमियर लिग (एनपीएल) पहिलो संस्करणको च्याम्पियन जनकपुर बोल्ट्स भएको छ । कीर्तिपुरस्थित त्रिवि क्रिकेट मैदानमा शनिबार भएको फाइनलमा प्रतियोगिताकै सबैभन्दा बलियो मानिएको सुदूरपश्चिम रोयल्सलाई ५ विकेटले पराजित गर्दै जनकपुरले उपाधि हात पारेको हो । 
उपाधि जित्दै गर्दा जनकपुरले सुदूरपश्चिम विरूद्धको यसअघिका दुवै हारको पनि बदला लिन सफल   भ्स्यो ।  

बिजेता जनकपुरले ट्रफीसहित १ करोड १० लाख रुपैयाँ पुरस्कार हात पारेको छ । नेपाली खेलकुदमा प्रदान गरिएको यो सबैभन्दा ठूलो पुरस्कार रकम हो । उपविजेता सुदूरपश्चिमले ५१ लाख पाउन सफल भयो  भने आठ फ्रेन्चाइज टिम सहभागी प्रतियोगितामा   ३२ खेल २२ दिन सम्म  चलेको खेलमा तेस्रो भएर कर्णाली याक्सले २५ लाख र चौथो चितवन राइनोजले १५ लाख रुपैयाँ पाए ।  

तेस्तै  सुदूरपश्चिमका कप्तान दीपेन्द्रसिंह ऐरीले ‘इलेक्ट्रिफाइङ प्लेयर अफ द टुर्नामेन्ट’ हुँदै पुरस्कारका रूपमा ६२  लाखको कार प्राप्त गरे । प्रतियोगिताभरमा सर्वाधिक १७ विकेट लिएका जनकपुर बोल्ट्सका ललित राजवंशीले उत्कृष्ट बलर घोषित हुँदै मोटरसाइकल पुरस्कार हात पारे ।

जनकपुरका खेलाडीहरूले आफ्ना समर्थकहरूलाई धन्यवाद दिँदै मैदान परिक्रमा गरेका    थिए भने त्रिवि मैदानमा आतिसबाजी भएको थियो।