एन्टाद्वारा राजदुत यादवको स्वागत तथा सम्मान

चोलेश्वर तिवारी  

क्यानवेरा । एसोसिएसन अफ नेपाल तराई ईन अस्ट्रेलिया (एन्टा ) का अध्यक्ष रञ्जित शाहको नेतृत्वमा एक प्रतिनिधि टोलीले अष्ट्रेलियाको राजधानी क्यानबेरास्थित नेपाली राजदूतावासमा नव नियुक्त नेपाली राजदूत चित्रलेखा यादवलाई स्वागत तथा सम्मान गरेको छ ।

टोलीले राजदूत यादवलाई सफल कार्यकालका लागि शुभकामना व्यक्त गर्दै अस्ट्रेलियामा रहेका नेपाली समुदायका लागि उहाँको नेतृत्व महत्वपूर्ण हुने विश्वास व्यक्त गर्‍यो । 

कार्यक्रममा  अध्यक्ष रञ्जित शाहले यस अवसरलाई अत्यन्तै महत्वपूर्ण मान्दै राजदूतको आगमनले नेपाली समुदायलाई थप ऊर्जा र प्रेरणा दिने विश्वास व्यक्त गरे । अध्यक्ष रञ्जित शाहले राजदूत यादवको नियुक्तिलाई अस्ट्रेलियामा रहेका नेपालीहरूका लागि प्रेरणादायक कदमको रूपमा लिँदै नेपाली संस्कृति, मूल्य र पहिचान प्रवर्द्धन गर्न सहकार्य गर्ने प्रतिबद्धता जनाए  ।

राजदूत यादवले स्वागत समारोहमा आफूलाई जनाइएको आत्मीयताको लागि धन्यवाद दिँदै समुदायको भावना र अपेक्षालाई उच्च प्राथमिकता दीईने बताईन । साथै, उहाँले दुई देश बीचको द्विपक्षीय सम्बन्धलाई थप सुदृढ बनाउने आफ्नो प्रतिबद्धता पनि जाहेर गरेकी थीईन ।