नेपाली रेडीयोकर्मी तिमल्सिना अष्ट्रेलियामा  पुरस्कृत 

सिड्नी   ।  अष्ट्रेलियाको राजधानी क्यान्बेराको एफ् एम् ९१.१ मा नेपाली भाषाको रेडीयो कार्यक्रम निर्माता तथा संचालक प्रदीप तिमल्सिना अष्ट्रेलियाको भाषा भाषीहरुको प्रसारक छाता संगठन नेशनल इथ्निक एण्ड मल्टीकल्चरल काउन्सिल अफ अष्ट्रेलिया ( एन् एम् बि सि) द्वारा हरेक बर्ष प्रदान गरिने कम्युनिटी इम्प्याक्ट अवार्ड २०२५ बाट सम्मानित भएका छन् । 

यस बर्ष अष्ट्रेलियाबाट  बिभिन्न् आठ बिधामा  ५१ जना  संचारकर्मी  मनोनयानमा परेका थिए , जस मध्ये  तिमल्सिना इनोभेटीभ मल्टिकल्चरल प्रोग्राम, बेष्ट इथ्निक प्रोग्राम अफ द एयर र कम्युनिटी इम्प्याक्ट गरि तिन बिधामा मनोनयनमा परेका थिए। 

प्रदीपले उत्पादन गरेका कार्यक्रमहरु अष्ट्रेलियाली 
संचारबिज्ञहरुले मुल्यांकन गरि ति सामाग्रीहरुको गुणस्तरियता, दर्शक श्रेताहरु को प्रतिक्रियाहरु र उनका सामाग्रीहरुले अष्ट्रेलियाली बहुसासंकृतिक समूदायमा पुर्याएको सकारात्मक प्रभावका आधारमा  तिमल्सिनालाई उक्त पुरस्कार प्रदान गरिएको हो। शनिबार मेलबर्नम आयोजित एक कार्यक्रममा बीच  पुरस्कृत भएपछि  
तिमल्सिनाले अझै थप जिम्मेवारी थपिएको र  समूदायप्रति अझ कर्तव्यनिष्ट हुने बताएका छन् । 

तिमल्सिना सन् २००८ मा अष्ट्रेलिया आए देखिनै अष्ट्रेलियाको सामुदायिक रेडीयोसंग आबद्द छन् । उनले सिड्नीको च्यास्उड स्थित नर्थ सोर रेडीयो मा ६ बर्ष र क्यान्बेरामा बिगत एघार बर्ष देखि नेपाली भाषाको रेडीयो कार्यक्रम संचालन गर्दै आईरहेका छन् । उनले टेलिभिजन सिड्नीमा नेपाली कार्यक्रम पनि संचालन गरेका थिए । 
प्रदीप रेडीयो संचालन र निर्माण बाहेक सामुदायिक गतिबिधीमा पनि उत्तिकै सकृय रहदै आएका छन् । उनि नेशनल इथ्निक एण्ड मल्टीकल्चरल काउन्सिल अफ अष्ट्रेलिया र कम्यूनिटी मेडिया ट्रेनिंग अर्गनाईजेशन अष्ट्रेलियाको कार्यकारी निर्देशक अनि अष्ट्रेलियाली सरकारको संचार मन्त्रालय मातहतको कम्यूनिटी ब्रोडकास्टींग फाउन्डेशनको आर्थिक अनुदान मूल्यांकनकर्ता पनि हुन् । 
हाल क्यान्बेरा अस्पतालको मानसिक स्वास्थ्य बिभागमा क्लिनिकल म्यानेजरका रुपमा कार्यरत उनि पेशाले रजिष्टर्ड नर्स हुंन्  ।