बेनी, टीआरजी,फेवा र अर्वन सेमिफाइनलमा 

सीडनीमा सन्चालन भैरहेको एक्सर्पट नवाज कप फुटबल प्रतियोगिताका क्वार्टरफाइनल चरणका खेलहरु सम्पन्न भएपछि अर्वन, बेनी,फेवा र टीआरजी सेमिफाइनलमा प्रवेश गरेका छन । सीडनीमा पुरानो नेपाली संस्थाका रुपमा परिचित नवाजले हरेक बर्ष आयोजना गर्ने फुटबल प्रतियोगिताको आइतबार सम्पन्न पहिलो क्वार्टर फाइनल खेलमा अर्वन नेप्लीज फुटबल क्लबले बीयुएफसीलाई ८-०को अन्तर पराजित गरेको थियो । एकतर्फी खेलमा अर्वनका दिनेश हेन्जन क्यान अफ दी म्याच घोषित भए । 
दोस्रो क्वार्टरफाइनल खेलमा भने बेनी एफसीले सेन्ट जोर्जलाई प्रतिस्पर्धात्मक खेलमा ३-१ले हराएको छ । जसमा रितिक खड्का म्यान अफ दी म्याच चुनिए । फेवा फुटबल क्लबलाई २-०ले पराजित गर्दै फेवा फुटबल क्लबले सेमिफाइनलमा स्थान पक्का गरेको छ । जसमा नेपालको समेत प्रतिनिधित्व गरिसकेका रबि पासवान म्यान अफ दी म्याच छनोट हुने सफल भए । अन्तिम क्वार्टर फाइनलमा दी राइजीङ गोर्खाजले लालीगुराँंस फुटबल क्लबलाई प्रचिस्पर्धात्मक खेलमा २,१ले परास्त गर्दै अन्तिम चारमा नाम लेखाउन सफल भयो । टीआरजीका बिभुषण केसी क्यान अफ दी म्याच छानिए । कुल १६ टोलीको सहभागिता रहेको प्रतियोगिताको सेमिफाइनल खेलहरु जुन २६ शुक्रबार आयोजना हुने प्रतियोगिता संयोजक बैकुन्ठ डंगोलले जानकारी गराए ।