मालती मंगलेको सीड्नीमा रेड कार्पेट प्रिमियर हुने

रानी फील्मसको ब्यानरमा चर्चित गायक रामकृष्ण ढकालद्धारा निर्मित चलचित्र मालती मंगलेको अस्ट्रेलिया प्रदर्शन अघि उनको कार्यक्रम सहित सीड्नीमा रेड कार्पेट प्रीमीयर हुने भएको छ । माउन्ट पुमोरी इभेन्ट्सको आयोजनामा नेपालीहरुको बाक्लो बस्ती रहेको अर्वन क्षेत्रमा रहेको ग्रान्ड प्यालेस इभेन्ट हलमा जुलाइ ४ मा गायक रामकृष्णको प्रस्तुती सहित रेड कार्पेट प्रिमियर शो हुन लागेको हो । 
नेपालमा प्रदर्शन भैसकेको यो चलचित्र अहिले अमेरिकामा प्रर्दशनमा रहेको छ भने अमेरिका पछि अस्ट्रेलियाका बिभिन्न शहरहरुमा यसको प्रर्दशन गरिने आयोजकले जनाएको छ । रेड कार्पेट शो अगाडी गायक ढकालको प्रत्यक्ष प्रस्तुती हुने र चलचित्रका बारेमा प्रत्यक्ष संवाद गरिने आयोजक टिममै रहेका चलचित्र निर्देशक शोभित बस्नेतले जानकारी गराए । 
नेपाली स्तरिय चलचित्रलाई अस्ट्रेलियामा प्रर्दशन गरेर यसको बिकास अनि बिस्तारमा टेवा दिनुका साथै नेपाली मनहरुलाई जोडने 
प्रयासमा आफ्नो सहभागिता जारी रहेको निर्देशक शोभित बस्नेतले सुनाए । माउन्ट पुमोरी इभेन्टसका निर्देशक मनिषा लामाले गायक ढकालको चलचत्रि मालती मंगलेलाई सीडनीमा देखाउन पाउनु आफनो लागि निकै महत्वको बिषय रहेको बताइन ।