सीडनीमा भब्य बन्यो तमु ल्होसार

तमु समाज अस्ट्रेलियाको आयोजनामा सीडनीमा गुरुङ समुदायको महान चाड तमु ल्होसार ( घोडा वर्ग) भब्य रुपमा सम्पन्न भएको छ । गुरुङ समुदायको रीती रिवाज र खान पान झल्कने गरी आयोजना गरिएको कार्यक्रममा सीडनीका नेपाली समाजका अगुवाहरुको बाक्लो उपस्थिती रहेको थियो । तमु समाजका अध्यक्ष हेउपती गुरुङले बिदेशमा रहेर पनि आफनो कला संस्कृती र रहन सहनको संरक्षण गर्नुका साथै नया पुस्तालाई यस बारेमा जानकारी दिनु शमाजको कर्तब्य रहेको बताए । यसका लागि हरेक बर्ष तमु ल्होसार पर्व आयोजना गरिदै आएको अध्यक्ष गुरुडले बताए । कार्यक्रममा गुरुङ समुदायको चर्चित नृत्य र खानपीनसँगै पहिरनले पनि कार्यक्रमलाई निकै आकर्षक बनाएको थियो ।