कलाकार उत्तम केसीलाई सीडनीमा सम्मान

नेपाली चलचित्र जगतमा लामो समयदेखि कलाकारीता प्रस्तुत गर्दै आएका कलाकार उत्तम केसीलाई सीडनीमा सम्मान गरिएको छ । सीडनीका कलाप्रेमी युवाहरुले एक समारोहबिच केसीलाई सीडनीको ग्रानभिलस्थीत फ्लेभर्स अफ नेपालमा खादा माला लगाएर सम्मान गरेका हुन । सीडनीमा शैक्षिक क्षेत्रमा कार्यरत रक्षक श्रेष्ठ, धिरज न्यौपाने लगायतको आयोजनामा गरिएको सम्मान कार्यक्रममा एनआरएन ओसेनिया संयोजक दिनेश पोखरेल,एन्जाका सल्लाहकार डा. राजु मानन्धर, एनआरएन अभियन्ता भुपाल सिटौला, आयोजक रक्षक श्रेष्ठ, एनआरएन आइसीसी सदस्य राजेश केसी, ज्योती काफ्ले लगायतले कलाकार उत्तम केसीलाई खादा माला लगाएर सम्मान गरेका हुन । कार्यक्रममा बोल्दै आयोजक रक्षक श्रेष्ठले नेपालवाट आउनु भएका श्रष्टाहरुलाई सम्मान गर्न पाउनु गर्वको बिषय भएको बताए । कलाकार केसीले बिदेशमा पनि नेपाली कलाकार र कलाकारीतालाई सम्मान गर्ने परम्परावाट आफु हर्षबिभोर भएको बताए । एन्जाका सल्लाहकार डा राजु मानन्धरले कलाकार राष्ट्रका गहना भएकाले उनीहरुको सम्मान नेपाली डायस्पोरा समाजको दायीत्व भएको बताए ।