काभा महिला भलिबल : इतिहास रच्नबाट चुक्यो नेपाल, भारत च्याम्पियन

काभा महिला भलिबल नेसन्स लिगको उपाधि भारतले जितेको छ । फाइनल खेलमा घरेलु टिम नेपाललाई ३-२ को सेटमा हराउँदै भारत च्याम्पियन बनेको हो । नेपाल २–१ ले अगाडि रहे पनि आफ्नो फर्मलाई निरन्तरता दिन नसक्दा पराजित भएको छ ।

त्रिपुरेश्वरस्थित कभर्ड हलमा भएको खेलमा नेपालले पहिलो सेट २५-२३ ले जितेको थियो भने दोस्रो सेट भारतसँग १५-२५ ले गुमाएको थियो ।

तेस्रो सेट २५-२२ ले जितेको नेपालले चौथो सेट भने २१-२५ ले गुमायो । दुई-दुई सेट जितेर प्रतिस्पर्धात्मक भएको खेलको अन्तिम सेट भारतले १५-५ को फराकिलो अन्तरले जित्यो ।