संशोधन विधेयकमाथिको दफावार छलफल सकियो

काठमाडौं । संसदमा दुईदिन देखि जारी संविधान संशोधन विधेयकमाथिको दफावार छलफल शुक्रबार सकिएको छ । छलफलमा ४५ जना सांसदहरुले बोलेका छन् । विधेयकमा २४ संशोधन प्रस्ताव परेको छ । छलफलमा संशोधन हाल्ने सांसदहरुपनि सहभागी भए । दफावार छलफल सकिएपछि सभामुख ओनसरी घर्ती मगरले सांसदहरुले बोल्ने क्रम सकिएकाले सम्बन्धित मन्त्रीले शनिबारको बैठकमा त्यस विषयमा जवाफ दिने बताइन । आजको बैठक स्थगित गर्दै सभामुख मगरले संसदको अर्को बैठक भोलि शनिबार अपरान्ह ३ बजे बोलाएकी छन् । मन्त्रीको जवाफपछि भोलिको बैठकमा संविधान संशोधन विधेयक पारित गर्ने प्रक्रिया बढ्ने छ । दलहरुबीच संशोधन परेका मध्ये कुनैमा सहमति भए त्यो बढ्ने नभए सरकरले पेस गरेको विधेयक जस्ताको त्यस्तै पारित हुने सम्भावना छ ।