विद्युत उत्पादनमा खेलाँची–कागजमा मात्रै बल्छ बिजुली

काठमाडौं । सरकारले विद्युत उत्पादनमा महत्वाकांक्षी योजना बनाउने गरे पनि आवधिक योजना सुरु भएको साढे पाँच दशकसम्म मुलुकमा औसत करिब २९ प्रतिशत पनि बिजुली उत्पादन भएको छैन। जलविद्युत आयोजनाबाट बिजुली उत्पादन थालेको १ सय १ वर्ष पुग्दा मुलुकले ७ सय ३६ मेगावाट मात्र बिजुली उत्पादन गरेको छ। नेपालभन्दा एक वर्षपछि जलविद्युतमा हात हालेको छिमेकी चीनले अहिले ३ लाख २५ हजार मेगावाट बिजुली उत्पादन गरिसकेको छ। भारतले पानीबाट मात्र करिब ४१ हजार मेगावाट बिजुली उत्पादन गरिसकेको छ। नागरिक दैनिकमा समाचार छ।