नेपाली व्यावसायीको पहलमा सिड्नीमा कलेज खुल्यो

सिड्नी । नेपालबाट अष्ट्रेलियामा बिद्यार्थीको रुपमा प्रवेश गरेका दुई जना नेपाली व्यवसायीको संयुक्त पहलमा अष्ट्रलियाको सिड्नी डिसेम्बर ११ गते शुक्रवार देखि नयाँ कलेज संचालनमा आएको छ । लामो समय देखि शैक्षिक तथा माइग्रेसनत परामर्शदाताका रुपमा काम गरेका अनुभव संगालेका सुमन भेटवाल र मात्रिका बिमलीले सिड्नीको केन्द्र बिन्दु सेन्ट जेम्समा नयाँ कलेज संचालनमा ल्याएका हुन् । अष्ट्रेलियन हार्बर इन्टरनेशलन कलेज नामको सो कलेज १२० क्याशलरिग स्ट्रिट सिड्नीमा रहेको छ । संचालनक भेटवालका अनुसार हाल सो कलेजबाट एकाउण्टिङ मार्केटिङ र विजनेश बिषयमा पढाइ हुने बताइएको छ । अन्य बाँकी बिषयका कक्षाहरु पनि चाँडै संचालनमा ल्याइने बताइएको छ । बिद्यार्थीको रुपमा अष्ट्रेलिया प्रवेश गरेका संचालकद्धय भेटवाल र बिमलीले आफ्नै पहलमा कजेल संचालनमा आउनु सवै अष्ट्रेलियामा रहेका नेपालीहरुका लागि गर्व बिषयमा भएको नेपालीहरुले बताउन थालेका छन् ।