हिन्दु राज्यका पक्षधरको प्रर्दशनका कारण बानेश्वरमा तनाव, राष्ट्रसंघको गाडी तोडफोड

काठमाडौं । संविधानका धाराहरु धमाधम पास भइरहेका बेला संविधान सभा क्षेत्र नयाँ बानेश्वरमा भने हिन्दुराज्यको मार्गै भएको प्रर्दशनका कारण तनाव भएको छ । ओमकार परिवारका नाममा हिन्दु राष्ट्रको माग गर्दै निशेधित क्षेत्रमा जुलुस प्रवेश गर्न लागेपछि झडप भएको हो । झडपका क्रममा प्रहरीले प्रदर्शनकारीलाई लाठी र पानीको फोहरा हानेको छ । प्रदर्शनकारीले संयुक्त राष्ट्रसंघको एउटा गाडीमा पनि तोडफोड गरेका छन् । अहिले प्रदर्शनकारीलाई प्रहरीले एभरेष्ट होटल अगाडि रोकेर राखेको छ । पानीको फोहोराले तितरवितर भएका प्रदर्शनकारी फेरि एकत्रित भएर नाराबाजी गरिररहेका छन् । संविधानसभाको आजको बैठकले बिहान नै हिन्दु राष्ट्र कायम गर्नुपर्ने संशोधन अस्विकृत गरेको छ ।