म्याद थपेर भएपनि संवाद : राष्ट्रपति

काठमाडौ । राष्ट्रपति रामवरण यादवले आन्दोलनरत दलसँग संवाद निरन्तर चलाई निकास दिनु नै मुलुकको हितमा हुने सल्लाह प्रधानमन्त्री सुशील कोइरालालाई दिएका छन् । यादवले कोइरालालाई टेलिफोन गरी केही दिन अझै समय लिई संवादलाई जारी राख्नु राम्रो हुने सुझाव राखेका हुन् । यादवले शनिबार नै एमाले नेता माधवकुमार नेपाल, कांग्रेस नेता रामशरण महतलाई शितल निवासमा भेटेर र एमाओवादी नेता नारायणकाजी श्रेष्ठलाई टेलिफोन गरी यस्तै सल्लाह दिएका थिए ।