आन्दोलन र सुरक्षा अवस्थाबारेमा जवाफ दिन गृहमन्त्रीलाई संसदको निर्देशन

काठमाडौं । व्यस्थापिका संसदले देशका विभिन्न भागमा भइरहेका आन्दोलन र शान्ति सुरक्षाको अवस्थाबारे जानकारी गराउन गृहमन्त्री बामदेब गौतमलाई निर्देशन दिएको छ । आइतबारको संसद बैठकमा सभासदहरुले शान्तिपूर्ण आन्दोलनमा प्रहरीले दमन गरेको भन्दै विरोध जनाएपछि सभामुख सुवास नेम्वाङले गृहमन्त्री गौतमलाई यस्तो निर्देशन दिएका हुन् । आजको संसदको बैठकमा राप्रपा नेपालका प्रमुख सचेतक दिलनाथ गिरीले शान्तिपूर्ण आन्दोलनमा दमन गरेको भन्दै सरकारको जवाफ नआएसम्म सदन चल्न नदिने चेतावनी दिएका थिए । उनले दमनप्रति गृहमन्त्री गौतमले माफी माग्नुपर्ने बताए । सो क्रममा राप्रपा नेपालका सभासदहरुले सदनमै नाराबाजीसमेत गरेका थिए । सभासदहरु जनक चौधरी र लालबाबु रावत लगायतले पनि शान्तिपूर्ण विरोध प्रदर्शन गर्ने संवैधानिक अधिकारलाई सरकारले कुण्ठित गरेको आरोप लगाएका थिए । उनीहरुले आन्दोलनलाई दबाउने कोशिष नगर्न चेतावनी समेत दिए ।देशमा भएको आन्दोलन र सुरक्षा अवस्थाबारेमा जवाफ दिन गृहमन्त्रीलाई संसदको निर्देशन काठमाडौं । व्यस्थापिका संसदले देशका विभिन्न भागमा भइरहेका आन्दोलन र शान्ति सुरक्षाको अवस्थाबारे जानकारी गराउन गृहमन्त्री बामदेब गौतमलाई निर्देशन दिएको छ । आइतबारको संसद बैठकमा सभासदहरुले शान्तिपूर्ण आन्दोलनमा प्रहरीले दमन गरेको भन्दै विरोध जनाएपछि सभामुख सुवास नेम्वाङले गृहमन्त्री गौतमलाई यस्तो निर्देशन दिएका हुन् । आजको संसदको बैठकमा राप्रपा नेपालका प्रमुख सचेतक दिलनाथ गिरीले शान्तिपूर्ण आन्दोलनमा दमन गरेको भन्दै सरकारको जवाफ नआएसम्म सदन चल्न नदिने चेतावनी दिएका थिए । उनले दमनप्रति गृहमन्त्री गौतमले माफी माग्नुपर्ने बताए । सो क्रममा राप्रपा नेपालका सभासदहरुले सदनमै नाराबाजीसमेत गरेका थिए । सभासदहरु जनक चौधरी र लालबाबु रावत लगायतले पनि शान्तिपूर्ण विरोध प्रदर्शन गर्ने संवैधानिक अधिकारलाई सरकारले कुण्ठित गरेको आरोप लगाएका थिए । उनीहरुले आन्दोलनलाई दबाउने कोशिष नगर्न चेतावनी समेत दिए ।