१६ लाख रुपैयाँ मूल्य बराबरको खैरो हिरोइनसहित ३ जना प्रक्राउ

काठमाडौं । भारतका सीमावर्ती शहरबाट खैरो हिरोइन ल्याई काठमाडौंका क्याम्पस, बोर्डिङ र होस्टेलमा बिक्री गरेको अभियोगमा प्रहरीले २ जना भारतीय नागरिकलाई पक्राउ गरेको छ। नेपाल प्रहरीको लागु औषध नियन्त्रण ब्युरोको टोलीले भारतीय नागरिक सञ्जयप्रसाद शाह र रामचन्द्र महतोलाई ३ सय १० ग्राम खैरो हिरोइनसहित काठमाडौंबाट आइतबार पक्राउ गरेको हो। त्यसअघि ब्युरोको टोलीले ललितपुर मंगलबजारका सुरज महर्जनलाई ९० ग्राम खैरो हिरोइनसहित पक्राउ गरेको थियो। तीन जनालाई हिरासतमा राखेर अनुसन्धान भइरहेको ब्युरोले जनाएको छ। तीन जनाबाट बरामद भएको हिरोइनको बजारमूल्य १६ लाख रुपैयाँभन्दा बढी हुन आउँछ।