मुख्य सचिवमा डा. सोमलाल सुवेदी

काठमाडौं । सरकारले निजामति सेवाको सर्वोच्च पद मुख्य सचिवमा डा. सोमलाल सुवेदीलाई बढुवा गरेको छ । मन्त्रिपरिषदको बुधबार बिहान बसेको बैठकले डा. सुवेदीलाई कायम मुकायम मुख्य सचिव बनाएको हो । मुख्य सचिव लिलामणि पौड्यालको तीन वर्षे कार्याकाल शुक्रबारदेखि सकिने भएकाले नयाँं मुख्य सचिव बनाइएको हो । डा. सुवेदीलाई दुई दिन कायम मुकायम र त्यसपछि स्वत मुख्य सचिव हुने गरी बढुवा गरिएको छ । हाल उनी संघीय मामिला तथा स्थानीय विकास मन्त्रालयको सचिव छन् । निजामति सेवा ऐनमा बरिष्ठता र कार्यक्षमताका आधारमा मुख्यसचिवमा बढुवा गर्नुपर्ने व्यवस्था गरेको छ । सुवेदी बरिठतामा दोस्रो क्रममा रहेका सचिव हुन् । वरिष्ठतामा पहिलो नम्बरमा रहेका श्रीधर गौतम उमेर हदले एक वर्ष पनि बहाल रहन नसक्ने भएकाले कार्य क्षमता पनि राम्रो रहेका र वरिष्ठतामा पनि दोस्रो नम्बरमा रहेका डा. सुवेदीलाई मुख्य सचिव बनाइएको हो । डा।सुवेदी खरिदारबाट निजामति सेवा प्रवेश गरेका प्रशासक हुन् । उनी आगामी तिन वर्षसम्म उमेर हदले पदमा बहाल रहन सक्नेछन् । उनले विगतमा मन्त्रिपरिषदमा रहेर काम गरिसकेका छन् । उनलाई वर्तमान मुख्य सचिव लिलामाणि पौड्यालको पनि सिफारिस रहेको स्रोतले जनाएको छ । स्वच्छ छवि र निर्णय क्षमताका कारण निजामति सेवाको नेतृत्व गर्न उनी सफल हुने धेरैको विश्लेषण छ ।नेपाली कांग्रेसका उपसभापतिको पौडेलको शोक वक्तव्य सुर्यप्रसाद प्रधानको शोक