न्यायाधीश बमको हत्यारा साउदीले बुझाउन मानेन

काठमाडौं । सर्वोच्च अदालतका न्यायाधीश रणबहादुर बमका हत्यामा संलग्न अभियुक्त भगवान भनिने संजय स्माइली मगर नेपाललाई हस्तान्तरण गर्न साउदी अरब सरकारले अस्वीकार गरेको छ । इन्टरपोलको रेडकर्नर नोटिसमार्फत खोजी गरिएका रामेछाप खनियापानी ५ का मगर गत चैत १० गते साउदीबाट पक्राउ परेका हुन् । अदालतको आदेश नआएसम्म मगरलाई हस्तान्तरण गर्ने, नगर्नेबारे केही निर्णय लिन नसकिने जवाफ साउदी सरकारको छ । मगर बाहेक सवै दोषि भने पक्राउ परिसकेका छन् ।