साउन समान्तमा संविधान जारी गर्न शीर्ष नेताहरुको कसरत

काठमाडौं । नेपाल कम्युनिष्ट पार्टी एमाओवादीका नेता समेत रहेका संवैधानिक राजनीतिक संवाद तथा सहमति समितिका सभापति डा बाबुराम भट्टराईले समितिको बैठक स्थागित गरेसंगै संविधान लेखन कार्यमा अन्यौलता छाएको छ । तर शीर्ष नेता सम्मिलित विशेष समितिले संविधानका अन्तरबस्तुमा सहमति खोज्ने प्रयासमा निरन्तरता दिएका छन् । बिषेश गरि संघीयतामा सिमाङकन सहित संविधान जारी गर्ने बारेमा दलहरुका आ–आफ्ना अडानमा रहेकाले दलहरुका बीचमा सहमति हुन सकेको छैन् । संवाद समितिको बैठक स्थगित भएपनि शीर्ष नेताहरु साउन महिनाभित्र नयाँ संविधान ल्याउने गरी नै गम्भीर रुपमा छलफलमा जुटेको दाबि गरेका छन् । संविधानको पहिलो मस्यौदामा जनताले दिएका राय सुझावका आधारमा सङ्घीयताको सीमाङ्कन, शासकीय स्वरुप, नागरिकतालगायत सवालमा देखिएको विवादमा सहमति जुटाउन आज बिहान बसेको शीर्ष नेताहरुका बीचमा सकारात्मक छलफल भएको नेताहरुको दाबि छ । बैठकपछि नेपाल कम्युनिष्ट पार्टीका एमाओवादीका अध्यक्ष पुष्पकमल दाहालले बाहिर चर्चामा आएको ‘संविधान नबन्ने भयो’ भन्ने जस्ता हल्लाको पछि नलाग्न आग्रह गरे । उनले ढिलोमा भोलि साँझसम्ममा संविधानसभामा प्रतिवेदन पठाउने गरी गम्भीर र सकारात्मक छलफल भइरहेको बताए । औपचारिक र अनौपचारिक स्तरमा सकारात्मक छलफल भइरहेको र सीमाङ्कनसहित टुङ्ग्याउनेतिरै दलहरु लागेको बताइएको छ । आठ वर्षदेखि छलफल हुँदै आएको विषय टुङ्गोमा पु¥याउन एक÷दुई दिन लाग्यो भन्दैमा जनतामा नकारात्मक सन्देश र भ्रम फैलाउनु नहुने नेताहरुको दाबि छ । अहिले दलहरु मिल्नसक्ने विषयलाई कार्यदलको सहयोगमा मस्यौदामा समावेश गर्दै र नमिलेका विषयलाई छलफल गर्दै जाने गरि संविधानसभामा पठाउने तयारी गरेका छन् । समितिका सभापति भट्टराईले पनि साउन मसान्तभित्र प्रदेशको सीमाङ्कनसहितका विषय टुङ्गोमा पु¥याई संविधान ल्याउन लागिरहेका छौँ, यही सन्देश प्रवाह गर्न म आग्रह गरे । नेपाली काँग्रेका सहमहामन्त्री पूर्णबहादुर खड्काले पनि छलफल सकारात्मक भएको र चाँडो संविधानसभामा प्रतिवेदन पठाउने गरी गृहकार्य भइरहेको जानकारी दिए । जनता मत संकलनपछि जनताका सुझाव समावेश गर्ने बारेमा नेपाल कम्युनिष्ट पार्टी एमाले अलि बढि अनुदार देखिएको छलफलमा सहभागि नेताहरुको बुझाई रहेको छ । एमाले जनमतलाई संविधानसमा समावेश गर्ने भन्दा पनि १६ बुँदेमा तलमाथि नगर्ने पक्षमा रहेको छ । दलहरुका बीचमा भएको छलफलमा नेपाल कम्युनिष्ट पार्टी एमाले अनुदार नहुदा साउन समान्तसम्म अझै पनि संविधान जारी गर्न सकिनेमा नेताहरु बिश्वस्त छन् ।