अमरेशलाई कारबाही गर्न सुशीलको प्रस्ताव

काठमाडौं । नेपाली कांग्रेसका सभापति एंव प्रधानमन्त्री सुशील कोइरालाले केन्द्रीय समितिको बैठकमा पार्टीका सभासद् अमरेशकुमार सिंहलाई कारबाही गर्ने प्रस्ताव गरेका छन् । प्रधानमन्त्री निवास वालुवाटारमा बसेको संसदीय दल र कार्यसमितिको संयुक्त बैठकमा केन्द्रीय समितिको बैठकमा कोइरालाले अमरेशलाई कारबाही गर्ने प्रस्ताव गरेका हुन् । केन्द्रीय समितिको बैठकमा सभापति कोइरालाले भने–‘अमरेशको गतिविधि पार्टी नीति विपरित भइरहेको छ, कारबाही गर्नु प¥यो ।’ केन्द्रिय सदस्यहरुले पार्टीको अनुशासन समिति वा संसदीय दलबाट उनलाई प्रष्टिकरण सोधेर कारबाही अगाडि बढाउनु पर्ने बताएका थिए । विवादस्पद छविका सभासद अमरेशकुमार सिंह असन्तुष्ट मधेसी दलका केही सभासद बटुलेर १६ बुँदे सहमतिको विरोधमा लागेका थिए । आफुलाई खुल्लेआम भारतको एजेण्ट भन्दै हिड्ने सभासद् सिंह नेपाली कांग्रेसको आर्दश सिद्धान्त र निर्णयलाई सधै उल्लधन गर्दै हिड्ने गरेका थिए । उनि अहिले नेपाली कांग्रेसका मधेशबाट प्रतिनीधित्व गर्ने सभासदहरु नपत्याएपछि मधेशी दलका सभासद् बटुलेर नेता बन्ने अभियानमा लागे थिए । सिंहले नेपाली कांग्रेसको नीति भन्दा विपरित गएर संविधानसभाको जनमत संकलन कार्य समेत बहिष्कार गरेका थिए । सिंहको बिरोधमा केहि सभासदहरुले संसद बैठकमा समेत अमरेशले मुलुक टुक्राउने भन्दै बोलेको भन्दै आपत्ती जनाएका थिए । अमरेशका संग्निग्ध गतिविधी प्रति आपत्ती जनाउदै पटक पटकको केन्द्रीय समिति तथा संसदीय दलको बैठकमा समेत आपत्ती जनाएका कारवाहीको माग गरेको थिए । शनिवारको बैठकमा समेत सभासदहरु रामहरी खतिवडा, बद्री पाण्डे केशबकुमार बुढाथोकी लगायतका सभासदहरुले अमरेशमाथि कारवाहीको माग गरेका थिए । पटक पटक विवादमा पर्ने गरेका सभासद सिंहलाई गिरिजाप्रसाद कोइरालाले समेत संसदीय दलको बैठकमा सार्वजानिक रुपमा गाली गरेको थिए । बैठकमा सहभागि एक केन्द्रीय सदस्यले अमरेशलाई प्रष्टिकरण सोधिने पक्का भएको बताए । उनले भने– ‘त्यो अनुशासन समितिले पनि सोध्न सक्छ, संसदीय दलले पनि सोध्न सक्छ, ।’ कोइरालाको अमरेश माथिको प्रस्तावमा सबै केन्द्रीय सदस्यले एकैमतले सहमति जनाएका थिए ।