नवलपरासीको दुम्कीबासमा दुर्घटना, ८ जनाको मृत्यु, ६ घाइते

नवलपरासी । नवलपरासीको दुम्किबास पाँच दाउन्नेस्थित विश्वकर्मा बाबाको मन्दिर नजिक शुक्रबार बिहान भएको सवारी दुर्घटनामा परी आठ जनाको मृत्यु भएको छ । इलाका प्रहरी कार्यालय दुम्किबासले दिएको जानकारी अनुसार पश्चिमबाट पूर्वतर्फ जांदै गरेको यु पी ३२ डि एन ०८५४ नम्बरको भारतीय नम्बर प्लेटको ट्यांकरले नारायणगढबाट दाङका लागि छुटेको बसलाई ठक्कर दिंदा आठ जनाको ज्यान गएको छ । दुर्घटनामा परी छ जनाको घटनास्थलमै र दुई जनाको उपचारका क्रममा ज्यान गएको इलाका प्रहरी कार्यालय दुम्किबासका प्रहरी निरीक्षक रमेशकुमार पन्थीले जानकारी दिए । दुर्घटनामा छ जना गम्भीर घाइते भएका छन् । घाइतेको भरतपुर अस्पतालमा उपचार भईरहेको छ । ज्यान गुमाउनेहरुको अझै सनाखत हुन सकेको छैन ।