संसद वजेट अधिवेशन आजबाट

काठमाडौं । व्यवस्थापिका संसदको बजेट अधिवेशन आगामी आजबाट सुरु हुनेभएको छ । अधिवेशन दिउँसो तीन बजे सुरु हुनेछ । सरकारले राष्ट्रपतिसमक्ष असार १५ गते अपरान्ह ३ बजेका लागि संसद् अधिवेशन आह्वानको सिफारिस गरेको थियो । प्रधानमन्त्री सुशील कोइरालाका तर्फबाट कानुन, न्याय, संविधानसभा तथा संसदीय मामिला र शान्ति मन्त्री नरहरि आचार्य तथा मुख्यसचिव लीलामणि पौड्यालले बुधबार अधिवेशन आह्वानको सिफारिसपत्र राष्ट्रपति डा. रामवरण यादवसमक्ष प्रस्तुत गरे अनुसार राष्ट्रपतिले व्यवस्थापिका संसदको अधिवेशन आह्वान गरेका थिए ।