गोर्खामा सिम्रिक एयरको हेलिकोप्टर दुर्घटना, सबै सकुशल

काठमान्डौ । गोरखाको सानागाउँमा सोमबार बिहान सिम्रिक एयरको हेलिकप्टरमा आगलागी भएको छ । गोरखाका डीएसपी अर्जुन चन्दका अनुसार खानेपानी तथा सरफाई आयोजनाका लागि गएको हेलिकप्टरबाट यात्रु तथा पाइलट उत्रेलगत्तै आगलागी भएको हो । हेलिकोप्टरका पाइलट क्याप्टेन सुरेन्द्र पौडेलसहित पाँच यात्रु सकुशल रहेको सिम्रिक एयरको त्रिभुवन विमानस्थल कार्यालयले जनाएको छ। हेलिकोप्टर अवतरण गर्दा ढुंगा उछिट्टिएर पछाडिको भागमा लागेको र सामान्य क्षति भएको सिम्रिक एयरका सिफ्ट म्यानेजर डिबी वलीले जानकारी दिए । ‘अवतरण गर्दा सामान्य दुर्घटना भएको जानकारी आएको छ, सबै जना सकुशल हुनुहुन्छ,’ वलीले भने, ‘थप जानकारी आउने क्रममा छ ।’ उनले दुर्घटनास्थलमा प्राविधिक टोली पठाइसकेको र परीक्षणको काम भैरहेको जानकारी दिए । हेलिकोप्टरमा एक जना पाइलटसहित ४ जना सवार थिए ।