ओलीको स्वास्थ्य सामान्य

काठमाडौं । नियमित स्वास्थ्य परीक्षणका लागि थाइल्यान्डको बैंककमा रहेका नेकपा एमालेका अध्यक्ष केपी शर्मा ओलीको स्वास्थ्य परीक्षण भएको छ । त्यहाँस्थित बुमरुङगार्ड अन्तर्राष्ट्रिय अस्पतालमा उनको परीक्षण गरिएको हो । अध्यक्ष ओलीको स्वास्थ्य परीक्षण गर्दा अवस्था सामान्य रहेको उनका स्वकीय सचिव रमेश आचार्यले जानकारी दिए। मिर्गौला प्रत्यारोपण गरिएका ओलीलाई पछिल्लो समयमा फङ्गल सङ्क्रमण पनि देखिएको थियो । यही असार २ गते उपचारका लागि गएका ओली यही ८ गते मध्याह्न स्वदेश फर्कने कार्यक्रम छ । उनी सिङ्गापुर हुँदै नेपाल आउने बुझिएको छ ।