पहिरोका कारण बिभिन्न राजमार्ग अबरुद्ध

काठमाडौं । भुकम्पले हल्लाएको जमिनसंगै बर्षात सुरु भएपछि पहिरोका कारण दिनहुँजसो राजमार्ग बन्द हुन थालेका छन् । सिन्धुपाल्चोक, तातोपानी– खासा सडकखण्डमा पर्ने भन्सार कार्यालय अगाडी खर्के खोलामा पहिरो गई बाटो अबरोध भएको छ । प्रहरीका अनुसार सो बाटो खुलाउने प्रयास भइरहेको छ । त्यस्तै काभ्रे, दोलालघाटबाट कात्तीके देउराली सडकखण्ड अबरोध भएको छ । यो सडक खण्डमा बैकल्पिक बाटो चौबास बाट यातायात सुचारु भएको प्रहरीले जनाएको छ । यसैगरि नुवाकोट–काठमाण्डौं सडक खण्ड को समुन्द्रदेवी–१ भन्ने स्थानमा पहिरोको कारण बाटो अबरुद्ध भएको प्रहरीले जनाएको छ । प्रहरीका अनुसार सो बाटो समेत खुलाउने प्रयास जारी रहेको छ