काठमाडौं र सिन्धुपाल्चोक केन्द्र बनाएर भूकम्पका तीन धक्का

काठमाडौं । आज बिहान आधा घण्टाको बीचमा भूकम्पका तीन धक्का महशुस गरिएको छ । राष्ट्रिय भूकम्प मापन केन्द्रका अनुसार काठमाडौं र सिन्धुपाल्चोकलाई केन्द्र विन्दु बनाएर तीन भूकम्पका पराकम्पन गएका हुन् । बिहान ५ बजेर ५८ मीनेट जाँदा काठमाडौंको कीर्तिपुरलाई केन्द्र विन्दु बनाएर ४.४ रेक्टरस्केलको पराकम्पन गएको छ । त्यस्तै ६ बजेर १४ मीनेट जाँदा सिन्धुपाल्चोकलाई केन्द्र बनाएर ५.२ रेक्टरस्केलको र सिन्धुपाल्चोकलाई नै केन्द्र बनाएर ६ बजेर २६ मीनेटमा ४ म्याग्निच्यूको पराकम्पन गएको केन्द्रले जनाएको छ । यसअघि मंगलबार राति नौ बजेर ५६ मीनेटमा दोलखालाई केन्द्र विन्दु बनाएर ४.१ म्याग्निच्यूटको पराकम्पन गएको थियो । गत वैशाख १२ गते गएको शक्तिशाली भूकम्पपछि पराकम्पन आउने क्रम जारी रहेको छ । यो क्रम अझै केही समय जारी रहने भूकम्प विदहरुको भनाइ छ । पराकम्पन आउनेक्रम पहिले भन्दा पातलिएको छ ।