अर्नाको आक्रमणबाट झापामा एकको मृत्यु ३ घाइते

झापा । अर्नाको आक्रमणबाट आज बिहान झापामा एक जनाको मृत्यु भएको छ भने ३ जना घाइते भएका छन् । बिहान सवा ६ बजे जंगलबाट आएको अर्नाको आक्रमणमा परी गम्भीर घाइते भएका विर्तामोड ९ का गोले सतारको उपचारका क्रममा मृत्यु भएको छ । उनको बिहान साढे आठ बजे मृत्यु भएको इलाका प्रहरी कार्यालय विर्तामोडले जनाएको छ । अर्नाको आक्रमणबाट तीन जना घाइते भएका छन् । विर्तामोड ९ का केरकेरु राजवंशी पेटमा चोट लागेको छ । उनको अवस्था गम्भीर रहेको प्रहरीले जनाएको छ । त्यस्तै घाइते घाइते भएका विर्तामोड ९ कै ७० वर्षकी ललिता राजवंशी, उनकी छोरी पूणिर्मा राजवंशी विर्तामोर्डस्थित बीएण्डसी अस्पतालमा उपचार भइरहेको छ । नेपाली सेना, सशस्त्र प्रहरी र नेपाल प्रहरीको सहयोगमा अहिले अर्नालाई जंगलतर्फ नै भगाउने प्रयास भईरहेको इलाका प्रहरी कार्यालय बिर्तामोडले जनाएको छ । अर्ना सैनिक मोडको दक्षिणतर्फको चिया बगानमा रहेको स्थानीयले बताएका छन् ।