मौसमका कारण प्रधानमन्त्रीको ताप्लेजुङ जाने कार्यक्रम रद्द

काठमाडौं । खराब मौसमका कारण प्रधानमन्त्री सहितको टोलीको ताप्लेजुङमा भिषण पहिरोबाट भएको जनधनको क्षति अवलोकन गर्ने कार्यक्रम रद्द भएको छ । प्रधानमन्त्री कोइराला सुशील कोइरा र एमाले अध्यक्ष केपी ओली पहिरो प्रभावित क्षेत्रको अवलोकन गर्ने तथा राहत तथा उद्दारको लागि छलफल गर्न ताप्लेजुङ जाने कार्यक्रम रद्द भएको छ । मौसमको खराबीका कारण हेलिकोप्टर जाने अवस्था नभएकाले ताप्लेजुङ जाने कार्यक्रम स्थगित भएको ओलीका स्वकीय सचिव रमेश आचार्यले जानकारी दिए । मौसम सफा हुनासाथ त्यसतर्फ जाने योजना रहेको उनले बताए । प्रधानमन्त्री सुशील कोइराला, एमाले अध्यक्ष ओली र प्रधान सेनापति गौरव शमसेर जबराको टोली पहिरो प्रभावित क्षेत्रमा जाने कार्यक्रम तय भएको थियो ।