ताप्लेजुङका तीन गाविसमा भीषण वर्षासँगै पहिरो

ताप्जेजुङ । अविरल वर्षासँगै ताप्लेजुङका तीनवटा गाविसमा भीषण पहिरो गएको छ । प्रराम्भिक जानकारी अनुसार ताप्लेजुङको लिभाङ–३, खोक्लिङ–७ र थिङलाबु–६ मा बुधबार रातिदेखि पहिरो गएको हो । पहिरोले स्थानीयबासीका पाँच जनाको घर बगाएको छ ।पहिरोले धेरै घरहरुमा क्षति पुगेको बताइएपनि प्रहरी टोली घटनास्थलमा पुग्न नसकेका कारण यकिन विवरण आउन सकेको छैन् । लिभाङका मुकुन्द भट्टराई, देवेन्द्र लिम्बु, भट्टध्वज लिम्बु र खोक्लिङका विष्णु मादेनको घर बगाएको स्थानीयले जानकारी दिएका छन् । अन्य गाविसमा भएको क्षतिको विवरण भने आउन सकेको छैन् ।