राजधानीमै चौपट गर्मी , तापक्रम ३५ डिग्री पुग्यो

काठमाडौं । हावा पानी राम्रो मानिएको राजधानी उपत्यका पछिल्ला बर्ष बिग्रदैं गएको छ । राजधानीमा केही दिन देखि गर्मी बढेको छ । आज शनिबार दिउँसो तापक्रम ३५ डिग्री पुगेको छ । जल तथा मौसम पूर्वानुमान महाशाखाका अनुसार शनिबार काठमाडौंको तापक्रम ३५ डिग्री सेल्सियस मापन गरिएको जनाएको छ । २०१२ मा जुन १३ मा काठमाडौंको तापक्रम ३५.२ डिग्री सेल्सियस पुगेको थियो । त्यसपछिको यो सबैभन्दा बढी तापक्रम हो । काठमाडौंमा भौतिक संरचना अब्यवस्थित रुपले बृद्धी भएकाले गर्मी बढेको विज्ञहरुको भनाई छ ।