आन्तरिक शरणार्थीका रुपमा भूकम्पपीडितलाई अस्थायी बसोबासको व्यवस्था गर्न माग

दोलखा । पूर्व प्रधानमन्त्री एवम् नेपालीका काँगे्रसका वरिष्ठ नेता शेरबहादुर देउवाले दोलखाका १८ गाविसका नागरिकलाई आन्तरिक शरणार्थीका रुपमा भए पनि तत्काल अस्थायी बसोबासको व्यवस्था गर्नुपर्ने बताएका छन् । तत्कालीन माओवादीका लडाकु राखिएका शिविर, भुटानी शरणार्थीका शिविरमा तत्काल भुकम्पका कारण बिस्थापितलाई राख्न सकिने बताएका हुन् । दोलखाको उत्तरी क्षेत्रका १८ गाविस र नगरपालिका ५, ६ र ८ तल्लो भूभागका नागरिकलाई स्थानान्तरण गरी स्थायी बसोबासका लागि राज्यले सरकारी उपयुक्त जमिन छानी राख्न पहल गरिने वरिष्ठ नेता देउवाले दोलखाली नागरिकलाई विश्वास दिलाए । उनले हेलिकप्टरबाट पीडित नागरिकमा खाद्यान्न र जस्तापाता पु¥याउनलाई सरकारलाई तत्काल थप सल्लाह दिने र आफ्नो पहलले पीडामा परेका नागरिकलाई जतिसक्दो छिटो पीडामुक्त बनाउने प्रतिबद्धता जाहेर गरे ।