भुकम्पपछि खुलेको शेयर बजारमा चर्को गिरावट

काठमाडौं । विनासकारी भुकम्पपछि पहिलो दिन खुलेको शेयर बजारका चर्को गिरावट आएको छ । नेपाल धितोपत्र विनिमय बजारका अनुसार बजार खेलेको एक घण्टामै २० अंक बजार झरेको छ । अधिकांश कम्पनीको कारोवार नै भएको छैन भने भएका कम्पनी प्राय सबैको मूल्य झरेको छ । मितेरी विकास बैंक,एभरेष्ट बैंक, नेपाल इन्भेष्ट बैंकको संस्थापक तर्फको शेयर,नेपाल लाईफ इन्सेरेन्स कम्पनी,नेपाल टेलिकम,चिलिमे हाइड्र पावर कम्पनी,नेपाल बंगलादेश देश लगायतको मूल्य आठ प्रतिशत भन्दा बढीले घटेको छ । शेयर ब्रोकर नं २६ का संञ्चालक राजकुमार खत्रीले बजारमा खरिदकर्ता निकै कमी रहेको बताए । उनले भने, ‘विनासकारी भुकम्पको असर बजारमा देखिएको छ, अहिले अत्तिलिएर होइन होसियार भएर कारोवार गर्नु राम्रो हुन्छ ।’ उनले बजारमा लगानी गर्दा पनि बिक्री गर्दा पनि होसियार हुनुपर्ने समय भएको बताए । मुलुकमा शेयर बजार खुलेदेखि यस प्रकारको विपत्ति पहिले कहिल्यै नआएकाले अहिलेको कारोवारलाई असामान्य अवस्था र मनोविज्ञानमा भएको कारोवारको रुपमा लिनुपर्ने उनको भनाई । तर उनले बजारमा धेरै ठूलो गिरावटको सम्भावना आफूले नदेखेको पनि बताए ।