मध्यराति हुम्ला केन्द्रबिन्दु भएको ४.८ रेक्टरस्केलको भूकम्प

काठमाडौं । शुक्रबार मध्यरातमा हुम्ला केन्द्र बिन्दु भएर ४ दशमलव ८ रेक्टरस्केलको भुकम्प गएको छ । भुकम्पका कारण सदरमुकाम लगायतका ठाउँंमा केही घरहरु भत्किएका छन् । राष्ट्रिय भुकम्प मापन केन्द्रका अनुसार राती १२ बजेर ५२ मिनट जाँंदा भुकम्प गएको थियो । भुकम्पको धक्काका कारण सदरमुकामका बासिन्दाहरु राती सडकमा निस्किएका थिए । केन्द्रका भुकम्पविद मुकुन्द भट्टराईले त्यो भुकम्प र बैशाख १२ गते गएको विनासकारी भुकम्पका वीच सम्बन्छ छैन । यो पराकम्पन नभएर भुकम्प भए पनि त्यो क्षेत्र भुकम्प गइरहने क्षेत्रमा पर्छ । हुम्लाको सदरमुकाम सिमीकोट भन्दा केही उत्तरको लिमी गाविसलाई केन्द्र बिन्दु बनाएर भुकम्प गएको हो । हुम्लाको प्रमुख जिल्ला अधिकारी कृष्णबहादुरले जिल्लामा केही घरहरु चर्केको खवर आएको बताए । उनले भने, ‘क्षतिको अवस्थावारे निरीक्षण गर्न हामी जाँंदैछौ,अहिले केही घर चर्केको भन्ने खवर आएको छ ।’ प्रमुख जिल्ला अधिकारीका अनुसार भुकम्पको चर्कै धक्का महसुस भए पनि एकै छिनमा हराएको पनि जानकारी दिए ।