सातादिन यता क्रमश घट्दै परकम्पन

काठमाडौं । महाविनासकारी भुकम्पपछि पराकम्पन जानेक्रम नरोकिए पनि धेरै कमी आएको छ । राष्ट्रिय भुकम्प मापन केन्द्रका अनुसार हिजो बुधबार दुई वटा मात्र पराकम्पन गएको छ । विगत सात दिनमा ३५ पराकम्पन गएका छन् । केन्द्रका अनुसार ४ रेक्टोस्केलमाथिको बुधबार अपरान्ह २ बजेर ४७ मिनट जाँंदा ४ दशमलव ४ रेक्टोस्केलको र बिहान ११ बजेर १० मिनट जाँंदा ४ दशमलव २ रेक्टोस्केलको गरी दुई वटा मात्र पराकम्पन गएका थिए । त्यस अघि मंगलबार र सोमबार पनि तीन तीन पराकम्पन गएका थिए भने गत आइतबार पनि तीन वटा मात्र पराकम्पन गए । शनिबार भने एउटा ५ दशमलव ५ रेक्टोस्केल मापन गरिएको पराकम्पन गयो । त्यस दिन ४ रेक्टोस्केलमाथिका ९ वटा पराकम्पन गएका थिए । गत शुक्रबार पनि एउटा ५ दशमलव ५ रेक्टोस्केलसहित ५ वटा पराकम्पन गए । त्यस्तै ६ दिन अघि गत बिहीबार भने १० वटा पराकम्पन गएका थिए । यो तथ्यांकले पराकम्पन जानेक्रममा कमी आएको देखाउँंछ । विज्ञहरुले विस्तारै पराकम्पनका संख्या र शक्ति पनि घट्दै जाने बताउँंदै आएका छन् । उनीहरले पराकम्पन केही दिन जारी रहे पनि कमी हुँंदै जाने उनीहरुको विश्लेषण छ । उनीहरुले ठूलो पराकम्पनको सम्भावना नरहेको भन्दै त्रासमुक्त हुन पनि आग्रह गरिरहेका छन् ।