भूकम्प प्रभावित जिल्लामा मन्त्री खटाइने

काठमान्डौं । भूकम्पबाट तहसनहस भएका जिल्लाहरुमा भइरहेका कामको स्थलगत अनुगमनका लागि सरकारले मन्त्रीहरुलाई खटाउने भएको छ । मन्त्रिपरिषदको शनिवार बसेको बैठकले उद्दार,राहत र अस्थायी बासस्थान व्यवस्थापनका कामको अनुगमन गर्न मन्त्रीहरुलाई ती जिल्लाहरुमै खटाउने निर्णय गरेको हो । भूकम्प प्रभावित जिल्लाका जनताको समस्या बुझ्ने र अहिले भइरहेका कामहरुको माथिल्लो तहबाटै अनुगमन गर्ने गरी मन्त्रीहरुलाई पठाउन लागिएको सरकारका प्रवक्ता सुचना तथा सन्चारमन्त्री मिनेन्द्र रिजालले बताए ।