भुकम्प प्रभावित जिल्लामा १९ करोड ३० लाख पठाइयो

काठमाडौं । गृह मन्त्रालयले भुकम्पबाट प्रभावित मध्ये १३ जिल्लामा १९ करोड ३० लाख रुपैयाँ आर्थिक राहत पठाएको छ । सम्बन्धित जिल्ला प्रशासन कार्यालयमार्फत प्रभावित क्षेत्र र जनताको उद्धार तथा पुनस्र्थापनाका लागि उक्त रकम खर्च गरिने छ । उपप्रधान तथा गृहमन्त्री वामदेव गौतमले यो प्राम्भिक राहत रकम भएको बताएका छन् । सो रकम शनिवार पठाएको गृहमन्त्रालयले जनाएको छ । थप रकम निकासा हुनेबित्तिकै अन्य प्रभावित जिल्लामा पनि पठाइने र रकमको वितरण न्यायोचित तवरले गरिने गृहमन्त्री गौतमको भनाई छ । गृहले दोलखामा ५ करोड, रामेछापमा ७ करोड, पाल्पामा १ करोड, लमजुङमा १ करोड, तनहुँमा १ करोड, सोलुखुम्बुमा १ करोड, ओखलढुंगामा २ करोड रुपैया पठाएको जनाएको छ । त्यसैगरि चितवनमा ५० लाख, मनाङमा ५ लाख, पर्वतमा ५० लाख, धनकुटामा १५ लाख, रुकुममा ५ लाख र म्याग्दीमा ५ लाख रुपैया जिल्ला प्रशासन कार्यालयमा पठाएका गृहमन्त्रालयले जनाएको छ ।