भूकम्पमा मृत्यु हुनेको संख्या ४७ सय नाघ्यो

काठमाडौ । शनिबार गएको महाभूकम्पमा परी मृत्यु हुनेको संख्या ४७ सय नाघेको छ । भूकम्पमा परी मृत्यु हुनेको संख्या ४ हजार ७ सय ६९ पुगेको प्रहरीले जनाएको छ । सबैभन्दा बढी मानवीय क्षति सिन्धुपाल्चोक जिल्लामा भएको छ । सिन्धुपाल्चोकमा हालसम्म १ हजार २ सय ६० को मृत्यु भएको प्रहरीले जनाएको छ । काठमाडौंमा मात्रै १० हजार ३९ जनाको मृत्यु भएको छ । उपत्यकामा मृतकको संख्या १ हजार ४ सय ४८ पुगेको छ । उपत्यकाबाहेक नुवाकोट, धादिङ, रसुवा र काभ्रेमा पनि मृतकको संख्या अधिक छ । नुवाकोटमा ५६० जनाले ज्यान गुमाएका छन् । धादिङमा मृतकको संख्या ३५५ छ । रसुवामा ३०२ को मृत्यु भएको छ । काठमाडौंमा मात्रै २ हजार १ सय ३२ जना घाइतेको विभिन्न अस्पतालमा उपचार भइरहेको छ । भक्तपुरका १८६९ घाइतेको उपचार भइरहेको प्रहरीले जनाएको छ । ललितपुरमा घाइतेको संख्या १६० छ । काभ्रेमा घाइतेको संख्या ८४८ छ भने रसुवामा ७०० घाइते भएको तथ्यांक छ ।