असार मसान्तसम्म संविधान:महामन्त्री सिटौला

मोरङ । नेपाली काँग्रेसका महामन्त्री कृष्णप्रसाद सिटौलाले आउँदो असार मसान्तसम्ममा लोकतान्त्रिक संविधान जारी गर्ने बताएका छन् । आज विराटनगर विमानस्थलमा सञ्चारकर्मीसँग कुरा गर्दै महामन्त्री सिटौलाले प्रमुख तीन दलबीच असार मसान्तसम्ममा संविधान जारी गर्ने सहमतिअनुरुप कार्यतालिका परिवर्तन गर्न लागेको बताए । सङ्घीयताका विवादित विषयलाई उच्चस्तरीय आयोग बनाई समाधान गर्ने उल्लेख गर्दै मस्यौदा प्रस्तावलाई सहमतिबाट टुङ्गो लगाउने महामन्त्री सिटौलाको भनाइ थियो ।