स्वाइन फ्लुबाट वैदेशिक रोजगार व्यवसायी बटाजुको निधन

काठमाडौं । राजधानीको धापासी स्थित ग्राण्डी अस्पतालमा फेरि अर्का एमा जनाको उपचारका क्रममा निधन भएको छ । एमाले नेता रामनाथ ढकालको पनि स्वाइफ्लुका कारण निधन भएको दुईसातापछि वैदेशिक रोजगार व्यासायी संघका पूर्वअध्यक्ष सोमलाल बटाजुको निधन भएको हो । बटाजुको स्वाइन फ्लुका कारण आइतबार राति निधन भएको बताइएको छ । बटाजु दुईसाता अघि नै ग्राण्डी अस्पतालमा भर्ना भएका थिए । धापासीस्थित चर्चित एसओएस म्यानपावरका सञ्चालकसमेत रहेका बटाजुको आइतवार राति दुईबजेतिर निधन भएको हो । बटाजुलाई उपचारका लागि भारत लैजान खोजिएको भए पनि स्वाइफ्लु संक्रमितलाई उताबाट चासो नदिएकाले लैजान नसकिएको पारिवारिक स्रोतले बतायो । जाजरकोटमा महामारीको रुपमा फैलिएको स्वाइन फ्लुले काठमाडौंमा पनि विरामीको मृत्यु हुन थालेको छ ।