पारस आएर तर निर्मल निवास गएनन्

काठमाडौं । बैंककमा लामो प्रवासपछि स्वदेश फर्केका पूर्व युवराज पारस शाह निर्मल निवासको साटो परिवारले व्यवस्था गरेको वैकल्पिक आश्रयमा पुगेका छन् । हाललाई धुम्बाराहीस्थित कुण्डलिनीमा उनको बसाईको व्यवस्था गरिएको छ । बिहीबार थाई एयरवेजको विमानबाट ओर्लिएर उनी सिधै कुण्डलिनी पुगेका हुन् । विमानस्थलमा र कुण्डलिनीमा भित्रिएपछि पारसले अभिव्यक्ति नदिएपनि तत्काल निर्मल निवासमा उनको प्रवेश नहुने दुखद निर्णय पूर्व राजपरिवारले गरेको निकट स्रोतले जानकारी दिएको छ । ‘उहाँका विगतका गतिविधि, आफ्ना परिवारजनप्रति उहाँको व्यबहार तथा उहाँमाथि भएका कानुनी कारबाहीबाट परिवारमाथि परेको असर र उहाँको हालको स्वास्थ्य अवस्था र आवश्यकीय उपचार व्यवस्थाका लागि सुधार केन्द्रमा बस्नुपर्ने रअब हुने आचरण र व्यवहार समेतलाई मध्यनजर गरी हाललाई धुम्बाराहीस्थित कुण्डलिनीमा बस्ने व्यवस्था मिलाइएको छ’, सुत्रले बतायो । उनलाई लिनका लागि समेत परिवारको कोहि सदस्य बिमानस्थल पुगेका थिएनन् । केहि उनका सर्मथकहरु बिमानस्थलमा पुगेका थिए ।