न्यायाधीश बमका मुख्य सुटर इमाइली मगर साउदीमा पक्राउ

काठमाडौं । सर्वोच्च अदालतका तत्कालीन न्यायाधीश रणबहादुर बममाथि गोली प्रहार गर्ने मुख्य अभियुक्त सञ्जय स्माईली मगर साउदी अरबाट पक्राउ परेका छन् । न्यायाधीश बम हत्याकाण्डमा संलग्न भएको आरोपमा प्रहरीले चुरेभावर पार्टीका नेता बाबु थापालाई पुस दोश्रो साता पक्राउ गरेको थियो । करिब २ वर्षअघि सर्वोच्च अदालतका न्यायधीश रणबहादुर बमको हत्यामा संलग्न बाबु थापासहित भगवान थापा, शिवकुमार चौधरी, प्रेम खड्कालाई सार्वजानिक गरेको थियो । हत्यामा संलग्न सञ्जय इस्लामी मगर भने फरारको सुचीमा थिए । मगर रोजगारीका लागि साउदी अरबमा रहेकाले उनलाई पक्राउ गर्न नसकिएकाले इन्टरपोलमार्फत वारेन्ट जारी गरिएको थियो । इन्टरपोलले जारी गरेको डिफ्युजन नोटिशका आधारमा मगरलाई साउदी प्रहरीले मंगलबार पक्राउ गरेको केन्द्रीय अनुसन्धान ब्यूरो (सिआईबी) का प्रमुख डिआईजी हेमन्त मल्ल ठकुरीले बताए । पक्राउ परेका मगरलाई बुधबार नेपाल ल्याउने तयारी गरिएको छ ।