एमाओवादीले केन्द्रीय समितिको आकस्मिक बैठक बस्दै

काठमाडौं । एमाओजादीले आकस्मिक रुपमा आज केन्द्रीय कमिटीको बैठक बोलाएको छ । आज बिहान ११ बजे पछि आकस्मिक रुपमा केन्द्रीय कार्यालय पेरिसडाडाँमा केन्द्रीय समितिको बैठकका लागि खबर आएको एक नेताले जानकारी दिए । बैठकमा ३० दलले आइतबार घोषणा गरेको आन्दोलनका विषयमा छलफल हुने बताइएको छ । आन्दोलनमा केन्द्रीय सदस्यहरुलाई जिम्मेवारी बाँडफाँड गरिने र आन्दोलन सफल पार्ने रणनीतिबारे छलफल हुने स्रोतले बताएको छ । एमाओवादी नेतृत्वको ३० दलीय मोर्चाको आइतबार बसेको बैठकले नेपाल बन्दलगायतका आन्दोलनका कार्यक्रम घोषणा गरेको थियो ।