विपक्षी मोर्चाद्वारा आमहड्ताल सहितको आन्दोलनको घोषणा

काठमाडौ । संविधानको विवादित विषयमा सहमतिका लागि सत्तारुढ दल गम्भीर नभएको भन्दै एमाओवादी नेतृत्वको ३० दलीय मोर्चाले आन्दोलनलाई निरन्तरता दिने निर्णय गरेको छ । मोर्चाको आईतबार बसेको बैठकले चैत्र–५ गतेदेखि २६ गतेसम्मका लागि आन्दोलनको कार्यक्रम तय गरेको छ । दोस्रो चरणको आन्दोलनमा सभा,प्रदर्शन, बहिष्कार, धर्ना, घेराउ सहित नेपाल बन्द र आमहड्ताल सम्मको कार्यक्रम राखिएको छ । एमाओवादी अध्यक्ष पुष्पकमल दाहालले पत्रकार सम्मेलन गरी आन्दोलनको कार्यक्रम सार्वजनिक गरेका छन् । माघ–११ मा संविधानसभा बैठकले विपक्षीको अवरोधका बिच संविधान निर्माणलाई प्रक्रियामा लगेपछि विपक्षी मोर्चा आन्दोलनमा होमिएको हो । सहमतिमा संविधानको माग गर्दै मोर्चाले फागुन(१६ मा राजधानीको खुलामञ्चमा आमसभा गरेर पहिलो चरणको आन्दोलनलाई विश्राम दिएको थियो । प्रधानमन्त्री सुशील कोइरालको आह्वानमा त्यसपछि वार्तामा बसेको विपक्षी मोर्चाले वार्ता सकारात्मक दिशामा नबढेको भन्दै सत्तारुढ दलमाथि दवाब बनाउन दोस्रो चरणको आन्दोलनमा जाने निर्णय लिएको हो । यस्ता छन आन्दोलनका कार्यक्रम चैत्र ५ गतेः प्रत्येक जिल्लामा आन्दोलन तयारीका लागि ३० दलीय मोर्चाको बैठक चैत्र ८ गतेः सबे जिल्ला सदरमुकाममा महिलामाथिको हिंसा, कालोबजारी, मँहगाई, लोडसेडिङ, भ्रष्टाचारको बिरोध गर्दै सहमतिमा संविधानका लागि प्रदर्शन । चैत्र ११ गतेः यस दिनबाट प्रधानमन्त्री, उपप्रधानमन्त्री र मन्त्रीहरु सहभागी सार्वजनिक कार्यक्रममा कालो झण्डा प्रदर्शन, बहिष्कार र अवरोध गर्ने । चैत्र १५ गतेः सदरमुकाममा लाठी र सिट्ठी जुलुस चैत्र १६, १७ र १८ गतेः जिल्ला प्रशासन र अन्य सरकारी कार्यालय घेराउ चैत्र १८ गतेः साँझ सबै सदरमुकाममा मसाल जुलुस । चैत्र १९ गते : नेपाल बन्द चैत्र २० गतेः यस दिनबाट राजस्व र कर तिर्ने बन्द गर्ने । चैत्र २३ गतेः साँझ मसाल जुलु चैत्र २४,२५ र २६ गतेः देशभर आमहड्ताल